Finmarket · Fonde investimi

Lëri paratë të punojnë për ty.

Eksploro depozitat dhe alternativat e kursimit, duke krahasuar normat, afatet dhe kushtet.

Fondet e investimit në Shqipëri

Fonde Investimi

Fondet e investimit janë produkte financiare ku kursimet e shumë investitorëve bashkohen në një fond të përbashkët dhe administrohen nga një shoqëri e licencuar. Fondi investon në instrumente të ndryshme financiare, si tituj qeveritarë, obligacione, aksione, fonde ndërkombëtare ose instrumente të tjera, sipas strategjisë së përcaktuar në dokumentet e fondit.

Ndryshe nga depozita bankare, ku interesi dhe afati zakonisht janë të përcaktuara paraprakisht dhe kthimi është zakonisht më i kufizuar, fondet e investimit ofrojnë potencial më të lartë për rritjen e kapitalit në kohë. Për shkak të diversifikimit dhe ekspozimit ndaj tregjeve financiare, këto fonde mund të jenë më fitimprurëse sesa depozitat tradicionale, veçanërisht në horizonte më afatgjata. Megjithatë, ky potencial më i lartë shoqërohet edhe me rrezik investimi, pasi vlera e investimit mund të rritet ose të ulet në varësi të ecurisë së tregjeve dhe instrumenteve ku investon fondi.

Për të kuptuar nëse një fond investimi është i përshtatshëm për profilin, objektivat dhe tolerancën tuaj ndaj rrezikut, ju mund të kontaktoni ekspertët e FINARCH Advisory për këshillim profesional.

AMF liston 6 shoqëri administruese për sipërmarrjet e investimeve kolektive: Raiffeisen Invest, Credins Invest, WVP Fund Management Tirana, Albsig Invest, ABI Invest dhe Sigal Uniqa Invest.

Përveç tyre, Intesa Sanpaolo Bank Albania dhe OTP Bank Albania veprojnë si distributorë dhe agjentë shitjeje në Shqipëri për fonde të huaja investimi të njohura nga AMF, të administruara përkatësisht nga Eurizon Capital dhe OTP Fund Management.

Shënim: Të dhënat janë marrë nga Autoriteti i Mbikëqyrjes Financiare (AMF). Për informacion më të detajuar mbi produktet specifike dhe kushtet përkatëse, ju lutemi na kontaktoni.